మీ జీవిత మార్గనిర్దేశానికి సహాజావబోధాన్ని గ్రహించడం అనే అంశంపై శ్రీ పరమహంస యోగానంద

యోగ్యమైన మన లక్ష్యాలను సాధించడానికి, మనం అనేక నిర్ణయాలు తీసుకోవలసి ఉంటుంది. మనం జీవితంలో ముందుకు సాగుతున్నప్పుడు మంచి నిర్ణయాలు తీసుకోవడానికి మనం ఆధారపడగల ఉత్తమ సాధనము ఏమిటి?

ముందుకు సాగే మన మార్గాన్ని స్పష్టంగా చూడగల మన సామర్థ్యాన్ని సవాలు చేస్తూ — అనుదినం మన దృష్టిని ఆకర్షించే ఇంద్రియ పరధ్యానాల శ్రేణిని ఎదుర్కొంటాము — “నాకు మనశ్శాంతిని అందించే సరైన మార్గాన్ని కనుక్కోవడం ఎలా? అని అనుకోవడం సహజం.”

సహజావబోధం యొక్క శక్తివంతమైన కాంతి “ఆరవ ఇంద్రియం” మనందరిలో నిగూఢంగా దాగి ఉందని శ్రీ పరమహంస యోగానందులు బోధించారు. “సహజావబోధం ఆత్మకు తన గురించిన జ్ఞానాన్ని (ఆత్మ-సాక్షాత్కారాన్ని) ఇస్తుంది” అని ఆయన అన్నారు. “ప్రపంచంలోని గందరగోళాల మధ్య సత్యం గురించి మరియు కర్తవ్యాల గురించి కూడా స్పష్టమైన అవగాహనను సహజావబోధం ప్రసాదిస్తుంది.”

నిర్దుష్టమైన సహజావబోధం పెంపొందించుకోవడానికి సమయం పట్టినప్పటికీ, “మీరు ధ్యానాన్ని అభ్యసిస్తూ, మరియు ఈ అభ్యాసం ద్వారా లభించే ఆంతరిక ప్రశాంతత స్థితిలో ఎక్కువగా జీవిస్తున్నప్పుడు, మీ సహజావబోధ శక్తిలో మరింత అభివృద్ధిని కనుగొంటారు,” అని వై.ఎస్.ఎస్./ఎస్.ఆర్.ఎఫ్. మూడవ అధ్యక్షురాలైన శ్రీ దయామాత హామీ ఇచ్చారు.

కాబట్టి, దీని గురించి మరింతగా తెలుసుకోవడానికి మీరు సిద్ధంగా ఉంటే, ప్రశాంతపరిచే శ్వాసను గాఢంగా తీసుకోండి మరియు సహజావబోధం ద్వారా మీ జీవితానికి మార్గనిర్దేశం చేయడానికి ఆత్మ-పరిజ్ఞానం ఎలా పొందవచ్చనే దానిపై శ్రీ పరమహంసగారి జ్ఞానాన్ని గ్రహించండి మరియు అన్నిటికంటే ముఖ్యంగా మీలోని దైవసాన్నిధ్యాన్ని అనుభూతి చెందండి.