“ఆత్మ యొక్క శాంతిని వెలికితీయడం” అనే అంశంపై పరమహంస యోగానంద

ఒక పరిచయం:

మీ చుట్టుప్రక్కల, మరియు ఆన్‌లైన్‌లో చూసినప్పుడు, ఈ ప్రపంచంలో ఉన్న మనం శాంతిని పొందడం సాధ్యమేనా అని మీరు ఆశ్చర్యపోతున్నారా? జీవితం గురించి మనం వింటున్న వృత్తాంతాలు తరచుగా కలవరానికి మరియు ఆగ్రహానికి గురయ్యే విధంగా రూపొందించబడిన సమయాల్లో, సహజంగా ఆందోళన చెందుతాము. కాని ఇది తెలుసుకోండి: స్వల్పకాలమైనా వేరొక దిశలో చూడటం వల్ల, ఆంతరికంగా చూడటం వల్ల, గొప్ప ఆశను పొందవచ్చు.

ఒక్క క్షణం, పరమహంస యోగానందగారి చేత వ్యక్తీకరించబడిన ఈ వృత్తాంతాన్ని — ఈ దాగిన సత్యాన్ని — ప్రత్యామ్నాయంగా చూడండి: “శాంతి ప్రతిచోటా ఉంది. ప్రతి కణంలో రక్తం ప్రవహిస్తున్నట్లుగానే మీరు శాంతి సముద్రంలో ఈదులాడుతున్నారు. కావున శరీరంలోని ప్రతికణం ద్వారా శాంతి ప్రవహిస్తుంది.”

మీరు శాంతిలో ఈదులాడుతున్నారు, కాని మీరు దీనిని (శాంతిని) గ్రహించడానికి, పరమహంసగారు బోధించిన ఆధ్యాత్మిక శాస్త్రీయ పద్ధతులను మీ “హృదయంలో మధించి” అభ్యసించడం నేర్చుకోవాలి.

మానవాళికి శాంతిని ఆదర్శంగా నిలుపుతూ ప్రతి సెప్టెంబరులో ఐక్యరాజ్యసమితి (UN) ప్రకటించిన అంతర్జాతీయ శాంతి దినం ప్రపంచవ్యాప్తంగా గౌరవించబడుతోంది, కాని ఆ లక్ష్యాన్ని చేరుకోవడానికి మొదట దాన్ని మనతోనే ప్రారంభించాలని పరమహంసగారు, మరియు గొప్ప ఆత్మస్వరూపులందరూ బోధించారు.

ఇంకా మనకు చివరిగా కావలసినది — ఆత్మలుగా మనం కోరుకొనేది — పోషక ఆహారం తరచుగా మనకు అవసరమైనట్లుగానే, ఎప్పుడో ఒకప్పుడు కాకుండా శాంతిని కూడా తరచుగా పొందాలి. మనకు మరింత శాంతి — సమృద్ధికరమైన, స్వాస్థ్యదాయకమైన, గాఢమైన, అభయదాయకమైన, శక్తిదాయకమైన, మరియు సంతృప్తికరమైన శాంతి — కావాలి; ఒక రోజు లేదా ఒక నెల మాత్రమే కాదు, ప్రతిరోజూ దాన్ని సాధ్యమైనంతగా నిలుపుకోవాలి, ఈ ప్రపంచంలో శాంతి మన జీవన విధానంగా మారేవరకూ నిలుపుకోవాలి.