పరమహంస యోగానందగారి శాశ్వతమైన ఆధ్యాత్మిక గ్రంథం యొక్క సమగ్ర అవలోకనం.
2021-22 సంవత్సరాలు పరమహంస యోగానందగారి ఒక యోగి ఆత్మకథ 75వ వార్షికోత్సవానికి ఆనవాలుగా నిలుస్తుంది. అత్యంత ప్రశంసలు పొందిన ప్రపంచంలోని ఆధ్యాత్మిక గ్రంథాలలో ఇది కూడా ఒకటి.
పరమహంస యోగానందగారి జీవిత కథకు అంకితం చేయబడిన ఈ పేజీకి స్వాగతం. ఈ పుస్తకం ప్రపంచవ్యాప్తంగా లక్షలాది మంది హృదయాలను మరియు మనస్సులను స్పృశించింది. ఏడు దశాబ్దాలకు పైగా ఈ పుస్తకం ప్రపంచ నాగరికతకు భారతదేశం అందించిన అసమానమైన మరియు శాశ్వత సహకారమైన, భారతీయ ప్రాచీన యోగశాస్త్రమును మరియు దైవసాక్షాత్కార శాస్త్రీయ పద్ధతులను లెక్కలేనంతమంది పాఠకులకు పరిచయం చేసింది.
1946లో మొదటిసారిగా ముద్రించబడినప్పటి నుండి ఒక కళాఖండంగా ప్రశంసించబడింది, ఈ ఆత్మకథ నిరంతరం ఎక్కువగా అమ్ముడయ్యే ఆధ్యాత్మిక పుస్తకాల జాబితాలలో ఉంది మరియు వివిధ మార్గాల్లోని ఆధ్యాత్మిక జిజ్ఞాసువులచే చదవబడుతోంది. ఈ గ్రంథం 1999లో “శతాబ్దపు 100 ఉత్తమ ఆధ్యాత్మిక పుస్తకాలలో” ఒకటిగా గౌరవించబడింది.
నిరంతరం కొనసాగుతున్న మరియు విస్తరిస్తున్న ఆసక్తి కారణంగా,ఈ పుస్తకం భారతీయ ఉపఖండంలోని 15 ప్రధాన భాషలలోకి మరియు ప్రపంచవ్యాప్తంగా యాభైకి పైగా భాషలలోకి అనువదించబడింది మరియు ప్రచురించబడింది.
అట్ట కవరు, పేపరు బ్యాక్, ఆడియో మరియు ఈ-పుస్తకము రూపాలలో లభిస్తుంది.
ఈ-బుక్ డౌన్లోడ్ చేసుకోండి
ఈ ఈ-బుక్ పరిశ్రమ-ప్రామాణిక EPUB ఆకృతిలో ఉంటుంది మరియు తగిన ఈ-రీడింగ్ యాప్‌తో ఎక్కువ పరికరాలలో చదవవచ్చు.
ఇంగ్లీష్ ఆడియో పుస్తకం సి.డి.ని కొనుక్కోండి
చదివినవారు: “గాంధీ” చిత్రానికి అకాడమీ అవార్డు గ్రహీత సర్ బెన్ కింగ్స్లే
పుస్తకము నమూనా
అత్యంత స్ఫూర్తిదాయక ప్రకరణము
ఒక అసమానమైన రచయిత, ఒక అసమానమైన గ్రంథం మరియు ఒక అసమానమైన సందేశం
సన్నిహిత శిష్యుల కథలు
“ఒక యోగి ఆత్మకథ” వ్రాయడం అనే బృహత్తర కార్యము పూర్తి చేయడానికి పరమహంస యోగానందగారికి చాలా సంవత్సరాలు పట్టింది. నేను 1931లో మౌంట్ వాషింగ్టన్ వచ్చినప్పటికే ఆయన దానిపై పని చేయడం ప్రారంభించారు. ఒకసారి నేను ఆయన పఠన మందిరములో కొన్ని కార్యదర్శి విధులను నిర్వహిస్తున్నప్పుడు, ఆయన వ్రాసిన మొదటి అధ్యాయాలలో ఒకదాన్ని చూసే భాగ్యం నాకు కలిగింది – అది “టైగర్ స్వామి” అధ్యాయం. అది ఒక పుస్తకంలోకి చేర్చబడేది కావున దానిని భద్రపరచమని గురుదేవులు కోరారు.
“ఆహో” మరియు “ఓహా”ల మధ్య, మేము భారతదేశంలోని గొప్ప సాధువులు మరియు ఋషులతో కలిసి ఆయన గడిపిన జీవిత వృత్తాంతాన్ని, మా సుదీర్ఘ నిరీక్షణ తరువాత చివరకు ఇలా చూడటంతో కలిగిన ఆనందాన్ని పూర్తిగా వ్యక్తపరచలేకున్నాము — ఆయన సాన్నిధ్యంలో మేము గడిపిన అత్యంత విలువైన గంటలలో వాటిని గురించి చెప్పి తరచుగా మమ్మల్ని మంత్రముగ్ధులను చేసేవారు. ఆయన కొన్ని పేజీలను తెరిచి మహావతార్ బాబాజీ పేజీ వద్దకు వచ్చి ఆగిపోయారు. దాదాపు ఊపిరి ఆగిపోయేటంత ఉత్కంఠతతో మేము మా భక్తి భావమును అర్పించాము మరియు మన పరమ-పరమ-పరమగురువుల రూపాన్ని చూసే భాగ్యము పొందిన మొట్టమొదటి వారిలో ఒకరిగా ఉండి ఆశీస్సులు పొందాము.
గురుదేవులు తన పుస్తకంలోని అధిక భాగం ఆశ్రమములోని తన పఠన మందిరములోనే వ్రాశారు. ఆయన రాత్రంతా నిర్దేశించిన సందర్భాలు, మరియు కొన్ని సార్లు రోజంతా లేదా అంతకంటే ఎక్కువ సమయం కొనసాగిన సందర్భాలు ఉన్నాయని నాకు గుర్తు. దయామాత మరియు ఆనందమాత నిర్వహించే కార్యదర్శి విధులలో నేను పాల్గొనలేదు, ఆయన మాటలను వాళ్ళు కొన్నిసార్లు సంక్షిప్త లిపిలో మరియు ఇతర సమయాల్లో టైప్‌రైటర్‌ను ఉపయోగించి వ్రాసుకునేవారు. నా బాధ్యత చాలావరకు వారికి భోజనం వండటం, అందువల్ల వారు నిరంతరాయంగా తమ పని చేసుకునేవారు!
ప్రపంచంలోని 53 భాషల్లోకి అనువదించబడింది
ఒక యోగి ఆత్మకథను రూపొందించడం
ఈ గ్రంథం రచించబడుతుందని చాలా కాలం క్రితమే భవిష్యవాణి చెప్పబడింది. ఆధునిక కాలంలో యోగపునరుజ్జీవనానికి విశేష కృషి చేసిన ప్రముఖ వ్యక్తులలో ఒకరు, పందొమ్మిదవ శతాబ్దపు గౌరవనీయ గురువులైన శ్రీ శ్రీ లాహిరీ మహాశయులు ఇలా ప్రవచించారు: “నేను పోయిన తరువాత సుమారు ఏభైఏళ్ళకి, పడమటి దేశాల్లో యోగవిద్య పట్ల కలగబోయే గాఢమైన ఆసక్తి కారణంగా, నా జీవిత వృత్తాంతం ఒకటి వ్రాయడం జరుగుతుంది. యోగవిద్యాసందేశం భూగోళాన్ని చుట్టేస్తుంది. సర్వమానవ సోదరత్వాన్ని – అంటే, మానవజాతి ఏకైక పరమపిత ప్రత్యక్ష దర్శనంమీద ఆధారపడ్డ ఐకమత్యాన్ని నెలకొల్పడానికి తోడ్పడుతుందది.”
చాలా సంవత్సరాల తరువాత, శ్రీ లాహిరీ మహాశయుల ఉన్నత శిష్యులైన స్వామి శ్రీయుక్తేశ్వర్ గారు ఈ భవిష్యవాణిని శ్రీ యోగానందగారికి తెలియజేశారు.
ఒక మనఃపూర్వకమైన హామీ
గ్రంథం చివరి అధ్యాయంలో, పరమహంస యోగానందగారు ఇలా వ్రాశారు:
“దేవుడంటే ప్రేమ; సృష్టికి ఆయన నిర్ణయించిన ప్రణాళిక ప్రేమలోనే పాదుకోగలదు. ఆ చిన్న ఆలోచన, పాండిత్యమండితమైన తర్కవితార్కాలకన్నా ఎక్కువగా మానవ హృదయానికి ఊరట కలిగించడం లేదూ? సత్యగర్భంలోకి చొచ్చుకుపోయిన ప్రతి సాధువూ దివ్యమైన విశ్వప్రణాళిక ఒకటి ఉంటుందనీ అది సుందరమైనదనీ ఆనందమయమైనదనీ ధృవపరుస్తాడు.”
భారతదేశపు ఋషుల సర్వోత్కృష్టమైన సత్యాలపై గాఢమైన విశ్వాసం ద్వారా మీ ఆత్మను మీరు కనుగొనగలరని మా ఆశ మరియు ఆ విశ్వాసం మిమ్మల్ని పరీక్షల ద్వారా, నిజమైన ఆనందం మరియు నెరవేర్పుల ప్రయత్నాలలో మిమ్మల్ని నిలబెడుతుంది.
