క్రియాయోగం — నిత్య నవీన ఆనందానికి సాధనం అనే అంశంపై శ్రీ పరమహంస యోగానంద

ఒక పరిచయం:

జ్ఞాన నేత్రాలతో చూసినప్పుడు — మనలోని ప్రతి ఒక్కరి జీవితాలు ఎంతో భిన్నంగా కనిపించినప్పటికీ, మనమందరం అన్వేషిస్తున్నది ఒక్కటే. “ఆహ్లాదకరమైన ఆ ఆనందం భిన్నంగా ఉన్నప్పటికీ దాని స్వభావంలో మార్పు ఉండదు,” పరమహంస యోగానందగారు ఇలా అన్నారు, “ప్రతి ఒక్కరూ కోరుకునే అంతర్గత అనుభవం ఇదే.”

సమస్య ఏమిటంటే, మనము ఎక్కువగా ఆ రకమైన శాశ్వతానందం కోసం తగని స్థానాలలో అన్వేషిస్తున్నాము. ఒక కోరికను మనం తీర్చుకోగానే దానితో పాటు వచ్చే ఆనందం క్షీణించగానే కొత్త కోరిక మరొకటి ఉద్భవిస్తుంది. మనము గొప్ప సంపదని లేక విజయాన్ని సాధించవచ్చు. కాని అప్పుడు కూడా “ఇంకేదో కావాలి” అనే మన లోతైన వాంఛ అలాగే ఉందని గ్రహిస్తాము.

ఈ జీవితంలో ఆ ఆశ తీరుతుందా? అన్ని ఆధ్యాత్మిక మార్గాలకు చెందిన మహాత్ములు ఆనందం మన జన్మహక్కని తెలిపారు, ఎప్పటికీ విసుగు చెందని ఆ ఆనందాన్ని పొందడం నిజంగా సాధ్యమేనా?

ప్రతిరోజూ ధ్యానానికి సంబంధించిన శాస్త్రాన్ని — క్రియాయోగం — సాధన చేయడం ద్వారా మీకు మీరే ఆ శాశ్వతమైన ప్రశ్నకు ఎలా ఖచ్చితంగా సమాధానం పొందగలరో పరమహంసగారు వివరిస్తున్నారు. ఈ ఆధునిక యుగంలో వారి ప్రఖ్యాత గురుపరంపర ద్వారా క్రియాయోగం పునరుద్ధరించబడింది.

ఆంతరికంగా వెళ్ళే ఆ దశల వారీ పద్ధతి ద్వారా, చంచలమైన ఆనందాల యొక్క దీర్ఘకాల తప్పుడు వాగ్దానాలను మించి కోరుకునేవారు ఆత్మను నిత్యనవీన ఆనందంగా క్రమంగా నిరూపించుకుంటారు — ఆ తరువాత ఆ ఆనందం జీవితంలోని అన్ని రంగాలలోకి వెల్లువలా ప్రవహింపజేస్తారు.