స్వామి శాంతానంద గిరి: జ్ఞాపకార్థం

పలు ప్రశంసల పిమ్మట, వై.ఎస్.ఎస్./ఎస్.ఆర్.ఎఫ్. అధ్యక్షులు మరియు ఆధ్యాత్మిక నాయకులు శ్రీ శ్రీ స్వామి చిదానంద గిరి, స్వామి శాంతానందగారి గురించి ఉద్వేగభరితమైన విషయాలను పంచుకున్నారు. వారి నివాళిలోని కొన్ని అంశాలు ఇక్కడ పొందుపరచబడ్డాయి:

నాతో సహా — మనలో చాలా మందికి — అత్యంత ప్రియమిత్రుడైన మన ప్రియతమ స్వామి శాంతానందగారి స్ఫూర్తి మరియు వారి దివ్య గుణాల తలంపుతో నా హృదయం నిండిపోయింది.

“స్వామీజీ జీవితం గురించి, భక్తులు పంచుకున్న అనేక కథలు, వృత్తాంతాలు, జ్ఞాపకాలను తలచుకున్నపుడు, మన దివ్య గురుదేవులు తన కార్యాచరణ అభివృద్ధి, వికాసం గురించి గుర్తుచేసుకుంటూ చెప్పిన ఒక విషయం గుర్తుకు వస్తుంది: ‘ఇది ఒక ఆనంద ఇతిహాసం.’ 1952లో శ్రీ పరమహంసగారు తన భౌతిక రూపాన్ని విడిచిపెట్టడంతో ఆ ‘ఆనంద ఇతిహాసం’ ఆగిపోలేదు. ఆ ఇతిహాసం కొనసాగింపబడుతోంది; మన ప్రియతమ స్వామీజీ చూపిన అద్భుతమైన ప్రభావానికి నివాళులు వింటున్నపుడు ఎవరైనా ఇటువంటి భావన పొందకుండా ఉండలేరు. అందుకే మన ప్రియ స్వామీజీకి ఆ ఇతిహాసంలో ఒక చిరస్మరణీయమైన స్ఫూర్తిదాయకమైన అధ్యాయం ఉంది.

“శిష్యుడిగా, క్రియాబాన్‌గా, యోగిగా, భగవంతుని ప్రేమికునిగా మరియు గురుదేవుల భక్తునిగా – ఉదాహరణగా నిలిచిన ఆయన స్ఫూర్తిని తలచుకొన్నపుడు — మన ప్రియతమ స్వామీజీని ప్రతిబింబించే జ్ఞానం, ఆనందం మరియు ప్రేరణల స్వభావమున్న ప్రతి భక్తుడు ఎంత అద్భుతమైన, అందమైన జీవితాన్ని గడపగలడో తెలుస్తుంది: స్వీయ-విస్మృతి — భగవంతుని మరియు గురుదేవుల దివ్య ప్రేమ, జ్ఞానం, ఆనందం మరియు ప్రేరణలు ప్రవహించే మార్గానికి తనను తాను ప్రక్కన పెట్టుకోవడం. స్వీయ-విస్మృతి ద్వారా వచ్చే దివ్యశక్తి కేవలం స్వామీజీలు, సన్యాసులు మాత్రమే అనుభవించగలిగేది కాదు. ఇది ఈ మార్గాన్ని అనుసరించే ప్రతి భక్తుని కోసం. మనం భగవంతునికి, గురుదేవులకు ఎంత తరచుగా: ‘నా సంకల్పం కాదు, నీ సంకల్పమే నెరవేరనీ; నీ అభీష్టం ప్రకారమే నన్ను వినియోగించు,’ అని చెబుతామో అంత ఎక్కువ అనుభూతి పొందుతాము. స్వామీజీ యావత్ జీవిత నిరంతర ప్రార్థనా ప్రామాణ్యములే వారి దివ్యజ్ఞానం యొక్క ఆధ్యాత్మిక శక్తి.”