వై.ఎస్.ఎస్. ఉపకార శిక్షణా కేంద్రం యొక్క పూర్వ విద్యార్థులు ఐఐటీల్లో చేరారు

విద్యార్థులకు ఆయా కోర్సుల్లో సాధారణ పాఠ్యాంశాలతో పాటు ఆంగ్ల భాషితము కూడా బోధిస్తారు. ఈ విద్యార్థులు హిందీ మాధ్యమంలో చదువుతున్నందున, ఆంగ్ల భాషణలో వారి నైపుణ్యాలు మెరుగుపడాలి. వారు తమ పన్నెండో తరగతిని పూర్తి చేసే సమయానికి అన్ని పాఠ్యాంశాలపై సరళమైన ఆంగ్లభాషలో సంభాషించడానికి కావలసిన నేర్పు సాధించే ప్రయత్నం జరుగుతుంది.

అదే విధంగా, విద్యార్థులకు వారి విద్యా ఫలితాలు, అభిరుచులు, వారి ఆర్థిక నేపథ్యం మొదలైనవాటిని పరిగణనలోకి తీసుకొని వారి జీవనోపాధికి సలహా ఇవ్వబడుతుంది. ఉదాహరణకు, ఆర్థిక స్థోమత లేని తల్లిదండ్రులను కలిగిన ఒక విద్యార్థినిని పన్నెండో తరగతి పూర్తి చేసిన తదుపరి రెండేళ్ల కోర్సులో చేరాలని సూచనతో, ఆమె మెడికల్ లాబొరేటరీ అసిస్టెంట్‌గా డిప్లొమా సంపాదించగలిగింది. ఫీజులో కొంత శాతాన్ని భరించడానికి వీలుగా ఆమెకు వై.ఎస్.ఎస్. ద్వారా ఉపకార వేతనం ఇవ్వడం జరిగింది. అలా ఆమె తన చదువును పూర్తి చేసి ఇప్పుడు మంచి ఆసుపత్రిలో పని చేస్తున్నది.

ఈ ముగ్గురు ఐఐటి విద్యార్థులు ప్రతి రంగంలో తమ సత్తా చాటేందుకు మరియు క్రమశిక్షణతో కూడిన జీవనంతో ఉన్నత లక్ష్యాలను సాధించే విధంగా శిక్షణా కేంద్రంలోని ఉపాధ్యాయులు చిత్తశుద్ధితో మార్గోపదేశం చేశారు. వారి వృత్తి ఎంపికలో కూడా మార్గనిర్దేశం చేశారు.

పరమహంస యోగానందగారి యొక్క ఆధ్యాత్మిక సంస్థతో వారి ఉపాధ్యాయుల ద్వారా ప్రత్యేక సంబంధాన్ని పెంచుకున్న ఈ ముగ్గురు ప్రతిభావంతులైన విద్యార్థులు తమ ఉన్నత చదువుల కోసం ఆర్థిక సహాయం కోసం వై.ఎస్.ఎస్. ని సంప్రదించారు. వారి విద్యా పనితీరును దృష్టిలో ఉంచుకుని, వై.ఎస్.ఎస్. వారి కళాశాల ఫీజులో ఎక్కువ భాగాన్ని స్కాలర్‌షిప్‌గా అందించి మద్దత్తునిచ్చింది.