స్మృతిమందిరం సమర్పణ యొక్క ఇరవై ఐదవ వార్షికోత్సవ వేడుక

సమర్పణ రోజున శ్రీ దయామాతగారు ఇలా అన్నారు, “మన ప్రియతమ గురుదేవులను, మరియు డెబ్బై ఐదు సంవత్సరాల క్రితం ఇక్కడ ఆయనకు కలిగిన అంతర్దర్శనం ద్వారా ప్రారంభమైన ప్రపంచవ్యాప్త లక్ష్యాన్ని గౌరవిస్తూ రాంచీలో ఒక సముచిత స్మారకాన్ని నిర్మించాలన్నదే మా ఆకాంక్ష. ఆ కోరిక ఈ రోజు నెరవేరింది. ఈ రోజు మనం ఆ మహోన్నత గురుదేవులు, భగవంతుని మరియు మానవజాతి యొక్క గొప్ప ప్రేమికుడు, శ్రీ శ్రీ పరమహంస యోగానందగారిని గౌరవించుకుంటున్నాము….ఈ అందమైన పాలరాతి మందిరం గురుదేవులు ఈ భూమిపై నివసించి, నడయాడారన్నదానికి ఒక ప్రత్యక్ష జ్ఞాపికగా వినియోగపడుతుంది, తద్ద్వారా మానవజాతి జీవితం యొక్క నిజమైన అర్థాన్ని తెలుసుకోవచ్చు; మరియు మనం కూడా భగవంతుణ్ణి ప్రేమించగలము, భగవంతుడితో అనుసంధానం పొందడానికి, ఆయన నిత్య నవీన ప్రేమ, ఆనందం గురించిన చేతనతో జీవించగలము. ఒంటరిగా ధ్యానంలో నిశ్శబ్దంగా కూర్చుని, భగవంతుడితో మరియు గురుదేవులతో సంసర్గము పొందే భక్తులకు శ్రీ శ్రీ పరమహంస యోగానందగారి ఈ స్మృతి మందిరాన్ని మేము అంకితం చేస్తున్నాము.”

పునీతమైన ప్రదేశాలకు గొప్ప ప్రాముఖ్యత ఉంది, ఆ చోటులో వసించి మరియు ధ్యానం చేసిన సాధుపుంగవుల యొక్క స్పందనలు రాబోయే యుగాలకోసం అక్కడ నిక్షిప్తమై ఉంటాయి. “మీరు గొప్ప ఆధ్యాత్మికమైన ప్రదేశానికి వెళ్ళినప్పుడు, మీరు ఉత్తేజపూరిత స్పందనలను పొందుతారు, అవి మిమ్మల్ని మంచిగా మారుస్తాయని, గురుదేవులు అన్నారు. గొప్ప సాధుపుంగవులు నివసించిన క్షేత్రాల యొక్క తీర్థయాత్రల విలువ అదే.” ఎన్నో ఏళ్ళుగా లెక్కలేనంతమంది భక్తులు ఈ పవిత్ర ప్రాంగణలో గురుదేవునితో ఒక అద్భుత సంసర్గము పొందిన దివ్యానుభూతిని ధృవీకరించారు. ఒక వ్యక్తి యొక్క గ్రహణశీలత మేరకు, ప్రతి ఆత్మ కోరుకునే ఓదార్పు, మార్గదర్శకత్వం మరియు ప్రేమను స్మృతి మందిరం అందిస్తుంది.