அகத்துள்ளிருந்து வெளிப்புறத்திற்கு தன்மதிப்பை வளர்த்துக் கொள்வது குறித்து பரமஹம்ஸ யோகானந்தர்

ஓர் அறிமுகம்:

நமது அன்றாட செயல்பாடுகளின் போது, நாம் அனைவரும் நமது தன்னம்பிக்கை மற்றும் சுயமதிப்பின் உச்சங்களையும் தாழ்வுகளையும் சமாளிக்க வேண்டியிருக்கிறது.

நமது சுயத்தின் சிறந்ததை சிறப்பாக வெளிப்படுத்துவதற்கான வழிகளை முயற்சிப்பதைப் போலவே , நம் வாழ்வில் நாம் மேம்படுத்த விரும்பும் விஷயங்கள் உள்ளன. ஆனால், உடல் ரீதியாக, மன ரீதியாக அல்லது ஆன்மீக ரீதியாக, பூரணம் என்றால் என்ன அல்லது எப்படி இருக்க வேண்டும் அல்லது பாராட்டு அல்லது அர்த்தத்தைக் கண்டறிய நாம் எங்கு எதிர் நோக்க வேண்டும் என்பதைப் பற்றியெல்லாம் வெளி உலகத்திலிருந்து தவறான பதிவுகளை நாம் சந்திக்க நேரிடும்.

வாழ்க்கையின் சவால்களை அல்லது நமது சொந்த ஆன்மீக இலக்குகளை நாம் எதிர்கொள்ளும்போது, “தகுதி பெற்றிருக்கவில்லை” என்ற தவறான உணர்வைப் பெறக் கூடும்.

ஆனால் பரமஹம்ஸ யோகானந்தர் நமக்கு நினைவூட்டுவார்: “உங்களை மேம்படுத்த முயற்சிக்கும்போது, தனித்து நிற்கக் கற்றுக்கொள்ளுங்கள், உங்கள் சொந்த நற்பண்புகள் மற்றும் சுயமதிப்பில் பாதுகாப்பாக இருங்கள்.”

இதைச் செய்வதற்கான திறன், உண்மையில் ஒரே ஒரு இடத்திலிருந்துதான் வருகிறது – அகத்துள், நமது உயர் ஆன்மாவிலிருந்து என்று பெரியோர்கள் ஆயிரக்கணக்கான ஆண்டுகளாக நமக்குச் சொல்லியுள்ளனர். அதாவது, நம்மிடமே உள்ள, உண்மையான நம் இயல்பான தெய்வத்தன்மையிலிருந்து உதவியையும், வழிகாட்டலையும், அன்பையும் தேடுங்கள் என்பதே அது.

“நீங்கள், சாசுவத பெருஞ்ஜோதியின் ஒரு சிறு பொறி ஆவீர். பொறியை உங்களால் மறைக்க முடியும், ஆனால் உங்களால் அதை ஒரு போதும் அழிக்க முடியாது” என்று பரமஹம்ஸர் நமக்குத் தெரியப்படுத்துகிறார்.

அதைக் கேட்பதே உங்களை உயர்த்தவில்லையா? உண்மையான தன்னம்பிக்கையுடன் வாழ்க்கையில் முன்னேறுவதற்கு மேலும் அதிக ஊக்கமளிக்கும் ஞானத்தை உள்வாங்க விரும்புகிறீர்களா?