நீடித்த மகிழ்ச்சியின் ரகசியங்கள்

நீங்கள் எவ்வளவு ஆழமாக தியானிக்கிறீர்களோ மற்றும் எவ்வளவு விருப்பத்துடன் சேவை செய்கிறீர்களோ, அவ்வளவு மகிழ்ச்சியாக இருப்பீர்கள்.

தியானம் செய்வதன் மூலம் உங்கள் மகிழ்ச்சியின் அனைத்து சூழ்நிலைகளையும் உங்களுக்குள் கொண்டு செல்ல கற்றுக் கொள்ளுங்கள். மற்றும் உங்கள் உணர்வு நிலையை எல்லாம் அறிந்த, எங்கும் உள்ள, என்றும் புதிய ஆனந்தமாய் விளங்கும் கடவுளுடன் ஒத்திசையுங்கள். உங்கள் மகிழ்ச்சி எந்த வெளிப்புற தாக்கத்திற்கும் உட்பட்டதாக இருக்க கூடாது. உங்கள் சூழல் எதுவாக இருந்தாலும், உங்கள் உள் அமைதியை அது தொட அனுமதிக்காதீர்கள்.

உண்மையான மகிழ்ச்சி அனைத்து வெளிப்புற அனுபவங்களின் சவால்களை எதிர்கொள்ள முடியும். உங்களுக்கு எதிரான, மற்றவர்களின் தவறுகளின் சிலுவையில் நீங்கள் அறையப்படும் போதும், நீங்கள் அன்பையும் மன்னிப்பையும் திரும்பிக் கொடுக்கும் போது; மற்றும் வெளிப்புற சூழ்நிலைகளின் வலிமிகுந்த உந்துதல்கள் இருந்த போதிலும், அந்த தெய்வீக உள்ள அமைதியை நீங்கள் எப்பொழுதும் வைத்திருக்க முடியும் என்றால், இந்த ஆனந்தத்தை நீங்கள் அப்போது அறிவீர்கள்.

ஒவ்வொரு இரவும் குறைந்தது அரை மணி நேரமாவது தியானத்தில் அமைதியாக இருங்கள். நீங்கள் உறங்கச் செல்லும் முன் மிக நீண்ட நேர தியானத்திற்கு முன்னுரிமை கொடுங்கள். மற்றும் மீண்டும் காலையில், அந்நாளின் அன்றாட செயல்பாடு தொடங்கும் முன், தியானம் செய்யுங்கள். இது அன்றாட வாழ்க்கைப் போரில் அனைத்து கடினமான சூழ்நிலைகளையும் சந்திக்க மகிழ்ச்சிக்கான அச்சம் இல்லாத, உடைக்க முடியாத அக பழக்கத்தை உருவாக்கும். அந்த மாற்றமுடியாத மகிழ்ச்சியுடன், உங்கள் அன்றாட தேவையை பூர்த்தி செய்ய முயலுங்கள்.

மகிழ்ச்சிக்காக உங்களுக்கு வெளியே இருக்கும் சூழ்நிலைகளை நீங்கள் எவ்வளவு அதிகமாக சார்ந்து இருக்கிறீர்களோ, அவ்வளவு குறைவான மகிழ்ச்சியையே நீங்கள் அனுபவிப்பீர்கள்.

கடவுளை மறப்பதால் நீங்கள் மகிழ்ச்சியாக வாழலாம் என்று நீங்கள் நினைத்தால், நீங்கள் தவறாக நினைக்கிறீர்கள், ஏனென்றால் கடவுள் பிரபஞ்சத்தில் உள்ள ஒரே உண்மை என்பதை நீங்கள் உணரும் வரை நீங்கள் மீண்டும் மீண்டும் தனிமையில் அழுவீர்கள். நீங்கள் அவருடைய சாயலில் படைக்கப்பட்டிருகிறீர்கள். கடவுளைத் தவிர வேறு எதுவும் முழுமையற்றது என்பதால் நீங்கள் எந்த விஷயத்திலும் நிலையான மகிழ்ச்சியை காண முடியாது.

இறைவனுடன் தொடர்பு கொள்வதில் நான் காணும் கலப்படம் அற்ற மகிழ்ச்சியை வார்த்தைகளால் விவரிக்க முடியாது. இரவும் பகலும் நான் ஆனந்தமான நிலையில் இருக்கிறேன். அந்த ஆனந்தமே கடவுள். அவரை அறிந்து கொள்வது என்பது உங்கள் எல்லா துன்பங்களுக்கும் இறுதி சடங்குகளை செய்வதாகும். கடவுள் உங்களை உணர்ச்சியற்ற மற்றும் மிகவும் துக்ககரமான மனநிலையில் இருக்க சொல்லவில்லை. இது கடவுளின் சரியான கருத்தும் அல்ல அல்லது அவரை மகிழ்விக்கும் வழியும் அல்ல. மகிழ்ச்சியாக இல்லாமல் உங்களால் அவரை உணரக் கூட முடியாது… அவரை அறிந்தவர்கள் எப்போதும் மகிழ்ச்சியாக இருப்பார்கள், ஏனென்றால் கடவுள் ஆனந்தமே ஆகும்.