இன்றைய நாளில் அமைதியை உணர்வதற்கான ஒரு டூல் கிட்

பரமஹம்ஸ யோகானந்தர், “தளர்த்தப்பட்டும் நிச்சலனமாகவும் இருக்கும் உடல், மன அமைதியை ஈர்க்கிறது, இது இறைவனுடன் தொடர்பு கொள்ளும் ஆன்மீக கலையான தியானத்திற்கு அவசியமானது.” என்று அறிவுறுத்துகிறார்.
இன்னர் பீஸ்: ஹௌ டு பி காம்லி ஆக்டிவ் அண்ட் ஆக்டிவ்லி காம் என்ற அவருடைய நூலில், உடலைத் தளர்த்துவதற்கான பின்வரும் உத்திகளை அவர் பகிர்ந்துள்ளார் (அவை யோகதா சத்சங்க பாடங்களில் அவர் முழுமையாக கற்பிக்கும் உடலுக்கு புத்துயிர் ஊட்டல் மற்றும் சரியான தளர்த்தலை ஊக்குவிக்கும் விஞ்ஞானத்தின் அடிப்படையிலான எளிமையான வழிமுறைகள்):

• இச்சா சக்தியுடன் இறுக்குங்கள்: இச்சா சக்தியின் கட்டளையின் மூலம், (இறுக்கும் செயல்முறையின் வாயிலாக) உயிர் சக்தியை உடலிலோ அல்லது ஏதாவது உடற்பகுதியிலோ பெருகியோடும்படிச் செலுத்துங்கள். சக்தியூட்டியவாரும் புத்துயிரூட்டியவாரும் சக்தி அங்கே அதிர்வதை உணருங்கள்.
• தளர்த்தி உணருங்கள்: இறுக்கத்தை தளர்த்துங்கள் மற்றும் சத்தியூட்டப்பட்ட பகுதியில் புத்துயிர் மற்றும் உயிராற்றலின் இதமான சிலிர்ப்பை உணருங்கள். நீங்கள் உடல் அல்ல; நீங்கள் உடலை தாங்கும் அந்த உயிர் என உணருங்கள். அமைதி, சுதந்திரம், மற்றும் இந்த உத்தியின் பயிற்சியின் மூலம் உருவாக்கப்பட்ட சாந்தத்துடன் வரும் அதிகரிக்கப்பட்ட விழிப்புணர்வு ஆகியவற்றை உணருங்கள்.
• நீங்கள் பலவீனமாகவும் பதற்றமாகவும் உணரும் எந்த நேரத்திலும் 3 முறை செய்யவும்:
  (a) சுவாசத்தை உள்ளிழுத்து, அதை தக்க வைத்துக் கொள்ளுங்கள்.
  (b) முழு உடலையும், அனைத்து தசைகளையும் ஒரே நேரத்தில் மெதுவாக இறுக்குங்கள்.
  (c) முழு உடலிலும் ஆழ்ந்த கவனத்துடன், 1 முதல் 20 வரை எண்ணிக்கையில் இறுக்கத்தை வைத்திருங்கள்.
  (d) சுவாசத்தை வெளியேற்றி இறுக்கத்தை தளர்த்துங்கள்.