“ప్రపంచానికి మరింతగా దైవకాంతిని తీసుకురావడం” గురించి పరమహంస యోగానందగారు

పరిచయం:

సంవత్సరంలోని ఈ తరుణంలో భిన్న మతాలకూ సంస్కృతులకూ చెందిన అనేకమంది, ఏకాగ్రత మరియు శాంతితో, ఈ ప్రపంచంలో అంతర్భాగమైన దివ్య కాంతిని ఉద్ఘాటించే ఆచారాలు, స్మృతులలో — మనలను ఉద్ధరించి మరియు సంరక్షించే ఆ దివ్య కాంతి యొక్క శక్తిలో — తమను తాము లీనం చేసుకుంటారు.

ఈ భూమిపై, కృష్ణుడు మరియు క్రీస్తు వంటి గొప్ప ఆత్మల అవతారాలలో, మరే ఇతర రూపాలలో కన్నా అధికంగా ఆ శక్తివంతమైన ఉనికి వ్యక్తమవుతుంది, వారు దైవ కాంతి మరియు గాఢమైన ప్రేరణ యొక్క స్వరూపాలుగా మన దగ్గర అవతరించారు — మరియు వారు, తాము పొందిన జ్ఞానోదయాన్ని చేరుకునే పద్ధతులను, ఈ యుగంలో మన ముందుకు తెచ్చారు.

అన్నింటికీ మించి, మనం వారిలా మారగలమని మరియు తప్పక మారవలసినదని గుర్తు చేయడానికే మహాత్ములు విచ్చేస్తారు — మనం దివ్యానందాన్ని కనుగొనడానికి మరియు ప్రపంచం ఆధ్యాత్మికంగా అభివృద్ధి చెందడానికీ!

భగవంతుని సంతానంగా మనం కూడా “ప్రపంచమంతటా దైవప్రేమను, సోదరభావాన్ని వ్యాపింపజేయడానికి కాంతి దూతలుగా” మారడానికి ప్రయత్నించాలని పరమహంసగారు చెప్పేవారని వై.ఎస్.ఎస్./ఎస్.ఆర్.ఎఫ్. నాల్గవ అధ్యక్షులు మరియు సంఘమాత అయిన శ్రీమృణాళినీమాత తెలిపారు. అన్నిటిలాగే దీనికి కూడా సమయం, సాధన ఆవశ్యకమవుతుంది.

ఈ పర్వదిన తరుణంలోని విభిన్న కార్యకలాపాలన్నింటికీ, కొన్ని క్షణాలపాటు విరామమిచ్చి, ఆంతరిక దైవ కాంతితో మనఃపూర్వకముగా అనుసంధానమవ్వడం, మరియు ప్రపంచానికి అవసరమైన “కాంతి దూత”లలో ఒకరిగా ఉండటమంటే ఏమిటో పర్యాలోచన చేయుటకు మేము మిమ్మల్ని ఆహ్వానిస్తున్నాము.