ఈ యుగంలో మరుగునపడిన క్రియాయోగం యొక్క శాస్త్రీయ ధ్యాన ప్రక్రియను పునరుద్ధరించిన మహావతార్ బాబాజీ గౌరవార్థం, జులై 25వ తేదీని స్మారక దినంగా మనం జరుపుకుంటాం.

1920లో ఈ రోజున, పరమహంస యోగానందగారు అమెరికాకు వెళ్ళే ముందు కోల్ కత్తాలోని వారి ఇంటికి బాబాజీ విచ్చేశారు. తాను చేపట్టబోయే కార్యానికి, దైవం నుండి తగిన హామీ కావాలని యువకుడైన యోగానందుడు గాఢంగా ప్రార్థిస్తున్నాడు; ఎప్పుడైతే అక్కడకు మహావతార్ బాబాజీ వచ్చారో, అతడితో ఆయన ఇలా అన్నారు: “నీ గురువుగారి ఆదేశాల్ని అనుసరించి అమెరికా వెళ్ళు. భయపడకు, నీకు రక్ష ఉంటుంది. పాశ్చాత్య ప్రపంచంలో క్రియాయోగ సందేశాన్ని వ్యాప్తి చెయ్యడానికి నేను ఎంపిక చేసినవాడివి నువ్వే.”

ఈ సమావేశాన్ని యోగదా సత్సంగ సొసైటీ ఆఫ్ ఇండియా (వై.ఎస్.ఎస్.) మహావతార్ బాబాజీ స్మృతి దినంగా పాటిస్తుంది. మహావతార్ బాబాజీ గౌరవార్థం నిర్వహించిన ప్రత్యేక కార్యక్రమంలో భాగంగా ఒక ఆన్‌లైన్ ధ్యానాన్ని ఒక వై.ఎస్.ఎస్. సన్యాసి నిర్వహించారు.